Ég er sjálfmenntuð í gerð sykurblóma. Á þeim tíma sem ég byrjaði að þróa mig áfram í sykurblómagerð var lítið af ætu skrauti á markaði. Ég keypti mér DVD disk frá Wilton kökufyrirtækinu og lærði grunninn í blómasprautun. Mesti lærdómurinn fólst þó í æfingunni og ég þróaði alls kyns fígúrur og skraut.

Seldi þó alltaf langmest af blómunum. Hægt var að panta hvaða liti sem var.

Ég seldi sykurblóm og annað kökuskraut í 10 ár frá árinu 2008. Mest var að gera í kringum fermingar. Ég hélt úti síðunni www.kokuskraut.net og pantaði fólk í gegnum tölvupóst. Ég sendi víða um land.