Árið 2021 vantaði mig litla brú í landið mitt og ákvað að smíða brú. Ósköp einföld og þjónar sínum tilgangi. Átti engin verkfæri á þessum tíma en síðan þá hef ég eignast helstu verkfæri og bæti nær árlega við í Makita safnið mitt. Það verður allt auðveldara með góðum verkfærum.

Til að fá innblástur og tæknileg ráð fer ég á netið og nota YouTube líka. Svo púslar maður þessu öllu saman og býr til sína útgáfu af verkinu. Er uppalin af foreldrum með mikið verkvit, áræðni og þor til að prófa og mistakast. Við erum líka öll hin bestu skítamixerar.